بنـــــــاتــــ كوووووول
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 طريقة عمل الحمام المحشي

اذهب الى الأسفل 
كاتب الموضوعرسالة
admin_nene
Admin
avatar

عدد المساهمات : 117
نقاط : 280
تاريخ التسجيل : 13/09/2010
العمر : 22
الموقع : القاهره

مُساهمةموضوع: طريقة عمل الحمام المحشي   الأربعاء سبتمبر 29, 2010 8:18 am


الحمام المحشى
اول حاجه هنعمل خلطة الرز
خلى باللك كل حمامايه ليها كوباية رز
علشان باقى الرز بنعمله برام


رز وبصل مفروم وبهارات وملح وفلفل واهم شئ
النعناااااااااااااااااااع الناشف
مهم جدا تفركيه بايدك فوق الرز واوعى ما تحطيش نعناع لازم تحترمى التكنيك
وسمن على زيت
ويبقى بالشكل ده تمام كده




سيبيه شويه وتكونى غسلتى ووضبتى الحمام
طبعا هتسيبى المايه تغلى على النار وفيها بصله وطماطمايه وفلفل وحبهان ونبتدى نحشى الحمام
طريقة الحشو
هتسلكى الجلد عن لحم البطن باصبعك لغاية الرقبه ويبقى زى الجيب
وتحشي الحمام بالرز ف الجيب ده
وبعدين من داخل الحمامايه
وتجيبى قناصة الحمام تقطعيها 2 تاخدى واحده وتسدى بيها الفتحه اياها من تحت



وتدخلى رجلها ف الفتحه والرجل التانيه تشبكيها تحت الاولى
وده شكلها قبل ما تستوى



ملحوظه الرز الباقى بنقطع عليه باقى الكبده والقلب والقوانص
وسيبيه دلوقتى على جنب


اول ما المايه تغلى نسقط فيها الحمام
الاول تعلى النار لغاية ما تغلى مع الحمام
وبعدين توطى وتغطى
وتحسبى ساعه بالتمام والكمال لو الحمام وسط
اما لو كبير يبقى ساعه و10 د بالضبط باذن الله
لما يطلع تقصى جناحه بالمقص
وحته من الرقبه
وتدهنيه لبن علشان يبقى محمر كده
وترشى ملح وفلفل
ممممممممممممم






بخصوص الرز بعد ما تضعى الحمام على النار بنصف ساعه
هتشوحى الرز ف الحله شويه كده وبعدين تضيفى شوربة الحمام ويكمل سوا
وف الاخر تحطيه ف برام وتحمرى وشه ف الفرن مهم جدا








ملحوظه انا مش باخيط الحمام ولا باقطع الجناح ولا حاجه
ملحوظه اللبن مهم جدا ف التحمير
ملحوظه النعناع الناشف مهم جدا جدا ومش هاسامح اللى مش هتحطه
ملحوظه التحمير بيبقى ف زيت وممكن تنكهيه ب م ص سمن
ملحوظه النعناع الناشف كترى منه ما تخافيش
يعنى كوباية الرز مثلا ليها م ك نعناع
ملحوظه هافكركو تانى لو هتعملى 5 حمامات يبقى 5 اكواب رز
ملحوظه ما تمليش الحمام رز وهو بيتحشى لو كان جلده رقيق
ملحوظه الشوربه ما يتحطش فيها ملح الا بعد ما تسقى بيها الرز
ملحوظه مكونات الرز كلها مخلوطه على البارد انتى بس قبل ما تحطى الشوربه بتشوحيه دقيقتين على النار وهوه معاه كل المكونات وطبعا بيبقى فيه سمنته وزيته

تقبوا تحياتي ~nene~
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bannatcool.hooxs.com
 
طريقة عمل الحمام المحشي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
banatcool :: عالم الاســــــــــــــره :: وصفات الطبخ-
انتقل الى: